Sesorah Pengetan HUT Kamardikan RI
Sesorah Pengetan HUT Kamardikan RI
Assalamu’alaikum Warahmatullahi
Wabarakaatuh
Ingkang
kula urmati Bapak Pangarsa Pawiyatan SMA N 1 Purworejo, ingkang kula urmati
para bapak ibu dwija saha para kanca ingkang kula tresnani.
Wonten
ing adicara ingkang kebek kabagyan menika, mangga kula lan panjenengan sedaya
ngaturaken raos syukur ing ngarsanipun Allah SWT ingkang sampun maringi nikmat
saha rahmatipun dhateng kita sedaya pramila kita saged kempal wonten ing adicara
menika kanthi saras mboten wonten rubida setunggal menapa. Saha kanikmatan
ingkang sakalangkung ageng inggih menika arupi nikmat Kamardikan Bangsa
Indonesia.
Dinten
menika kita sedaya mengeti dinten ambal warsanipun Indonesia ingkang kaping 72.
Mugia Bangsa Indonesia dados bangsa ingkang onjo, tentrem, adil saha makmur ing
saindenging bawana.
Para rawuh
sedaya ingkang kula urmati.
Kados
sampun kita mangertosi sesarengan bilih rikala tanggal 17 Agustus 1945,
Indonesia mbiyawaraaken kamardhikan. Para pemimpin bangsa punika wusananipun
kasil maosaken teks proklamasi kamardhikan Indonesia lan gadhah cita-cita luhur
inggih punika sila-sila wonten Pancasila.
Kamardikaan
punika saged kita raih amargi pambudidaya sedaya rakyat Indonesia saha para
pahlawan. Kita sedaya minangka generasi ingkang nerasaken perjuanganipun para
pahlawan, mangga kita isi kamardikan menika kanthi kegiyatan ingkang saged
njurung kwalitas kita sedaya. Kegiyatan menika arupi sregep anggenipun sinau
saha sanes- sanesipun.
Nikmat arupi
kamardikan ingkang sampun dipunparingaken dhumateng kita sedaya inggih menika nikmat
ingkang sakalangkung ageng. Pramila kamardikan menika kedah estu-estu kita jagi
lan kita syukuri.
Para rawuh
sedaya ingkang kula urmati.
Sumangga
kamardhikan menika dipunisi kalihan pembangunan ugi watak nasionalisme ingkang
katandur ing manah. Mugia kita sedaya saged ngisi kamardikan menika kanthi
kasaenan. Wasana, cekap semanten atur kula. Bilih wonten klenta- klentu
anggenipun kula matur kula nyuwun pangapunten. Nuwun.
Wassalamu’alaikum Warahmatullahi
Wabarakaatuh.
Komentar
Posting Komentar